Лука Модриќ нема да игра во финалето на Купот на Кралот за Реал Мадрид, пишува „Марка“. Капитенот на хрватската репрезентација се повреди на последниот натпревар против Џирона и ја напушти играта. Прегледите покажале дека се работи за повреда на мускулот на левата нога.
Хрватот сигурно ќе ги пропушти првенствените натпревари против Алмерија и против Реал Сосиедад, а речиси е невозможно да игра и против Осасуна во финалето на Купот на Кралот, кое е закажано за 6. мај.
„Една недела пред финалето на Купот на Кралот и 11 дена пред првиот меч со Манчестер Сити (9 мај), загриженоста за Модриќ е максимална бидејќи тој е клучен играч во тимот на Карло Анчелоти. Кога е здрав, местото на Модриќ во првиот тим на Реал на големите натпревари е несомнено“, истакнува „Марка“.
