Рускиот претседател Владимир Путин денеска изјави дека не е сигурно кога Русија ќе ја победи Украина во војната, но дека руските сили се подготвени да продолжат да се борат дотогаш.
Говорејќи на прес-конференција во Москва, Путин истакна дека руските сили стануваат сè потехнолошки напредни во конфликтот, што според него всушност е војна на НАТО против Москва во која Северноатлантската алијанса користи украински војници.
„Нема да дозволиме Украина да се здобие со нуклеарно оружје“
Тој додаде дека Русија нема да дозволи Украина да се здобие со нуклеарно оружје и предупреди дека споменувањето на оваа можност е „многу опасна провокација“. „Русија нема да го дозволи тоа, по секоја цена“, им рече Путин на новинарите.
Според него, Украина треба да се откаже од забраната за преговори со Русија, коментирајќи ги можните руско-украински преговори во Саудиска Арабија. Русија е подготвена за дијалог со Украина, но врз основа на претходни договори, рече Путин.
Москва мора да обезбеди услови за траен мир во Украина што ќе ги заштити долгорочните безбедносни интереси на Русија, додаде тој.
