Утрински Весник
Свет

Пукање на прославата на крајот на учебната година во американскиот град Гринбелт, ранети пет тинејџери

677z381 20240420124424 520106.jpg

Пет тинејџери на возраст од 16 до 18 години се повредени во пукање во парк и рекреативен центар во Гринбелт, Мериленд, а еден од нив е во критична состојба, соопштија властите.

Околу 500-600 тинејџери се собраа во петокот, денот кога избраа да го прескокнат училиштето за да ја прослават својата последна година, што е широко распространета практика во многу американски училишта.

Тинејџерите започнале да се забавуваат и меѓусебно да се пукаат со водени пиштоли кога одекнале истрели.

Сообраќајните полицајци кои биле во близина веднаш излегле на лице место, каде им помогнале на повредените ученици, а стотици тинејџери побегнале од паркот.

„Ова е ужасен, бесмислен, трагичен чин… Тој е хроничен во нашето општество и мора да направиме нешто за да го спречиме. Тоа беа деца кои сакаа добро да се забавуваат во локалниот парк – истакна директорот на полицијата на Гринбелт, Ричард Бауерс.

Тој изјави дека сите пет жртви биле пренесени во локалните болници.

Полицијата верува дека напаѓачот побегнал со група средношколци и засега не е лоциран.

Можете да прочитате

ЕУ ги продолжи санкциите против Сирија до јуни 2025 година

Путин: Земјите од НАТО, кои зборуваат за напади на руска територија треба да бидат свесни со што си играат

Во Црвено Море тоне товарен брод откако бил погоден со ракета