Утрински Весник
Свет

Прогноза според излезните анкети: Неа демократија води пред СИРИЗА на изборите во Грција

Прогноза според излезните анкети: Неа демократија води пред СИРИЗА на изборите во Грција

Неа демократија на првата, СИРИЗА на втората, ПАСОК – Движење на промена е на третата позиција. Ова е резултатот од објавените излезни анкети по денешното гласање на парламентарните избори во Грција. Излезните анкети ги прават агенциите за рејтинг во Грција, во соработка со грчките телевизии.

dobivaj vesti na viber

Седум приватни телевизии и државната ЕРТ, веднаш по затворањето на гласачките места, точно во 19 часот по локално време, објавија заеднички излезни анкети во соработка со пет рејтинг агенции.

Резултатите од 80 отсто преброени излезни анкети за приватните телевизии се дека секоја од партиите би добила:

  • Неа демократија од 36 до 40 отсто
  • СИРИЗА од 25 до 29 отсто
  • ПАСОК – Движење на промена од 9,50 до 12,50 отсто
  • Комунистичка партија на Грција од 6 до 8 отсто
  • Грчко решение од 3,50 до 5,50 отсто
  • МЕРА25 2,50 до 4,50 отсто

Но, според 80 проценти од преброените излезни гласови Неа демократија нема да добие доволен број пратеници за еднопартиска влада. Сепак, ова се само проценки на агенциите за рејтинг, а не и официјални резултати.

Првите официјални резултати од Министерството за внатрешни работи на Грција, кое што е и надлежно за пребројување на гласовите, се очекуваат околу 21 часот по грчко време.

Можете да прочитате

Портпаролот на терористичката „ИД“ го пофали нападот што го изврши во концертна сала во московскиот регион

Трагедија во Јужна Африка: 45 лица загинаа во автобуска несреќа

Илјадници налози на Телеграм блокирани поради повици на терористички напади