Поради планирани технички зафати во електропреносната мрежа, утре (29 јуни) делови од Скопје ќе останат без електрична енергија, информираат од ЕВН Македонија.
Екипите на ЕВН ќе започнат со интервенциите во раните утрински часови, па жителите на населбата Драчево треба да бидат подготвени за прекин на напојувањето уште од 05:00 часот.
Според најавата, во периодот од 05:00 до 13:00 часот без струја ќе бидат корисниците на улицата „Герника“ на броевите 8 и 10.
Во истиот термин, односно од 05:00 до 13:00 часот, електрична енергија нема да има ниту на улицата „Иван Хаџиниколов“ на броевите 3 и 5.
Планирани прекини ќе има и во Карпош. Таму, од 09:00 до 13:00 часот без напојување ќе останат објектите на улицата „Вангел Дину“, како и дел од непарните броеви на улицата „Франц Прешерн“ во населбата Влае.
Од ЕВН апелираат граѓаните навремено да ги планираат своите активности и да ги преземат потребните мерки за време на прекинот на електричната енергија.
