По преземените мерки и активности, полициски службеници од Единицата за насилен криминал при СВР Скопје на 25.9.2023 ги лишиле од слобода Ф. В. (25) и А. Ф. (33), двајцата од Скопје. Тие се сомничат дека на 20.9.2023 во продажен објект кај арената „Тоше Проески“ физички го нападнале вработениот А. В. од Скопје.
Двајцата биле задржани во полициска станица и во службен разговор со полициски службеници го признале делото.
Во координација со јавен обвинител против нив е поднесена кривична пријава, а од страна на судија на претходна постапка определена им е мерка домашен притвор.
