Вчера вечер во 19.20 часот на регионален пат 1102 село Прдејци – село Смоквица од полициски службеници од Полициска станица Богородица при Регионален центар за гранични работи „Југ“ е лишен од слобода 41-годишниот Н.Г. од Гевгелија, затоа што во патничко моторно возило „бмв 120“ со струмички регистарски ознаки, превезувал пет лица илегални мигранти од Сирија, извести МВР.
– Увид на местото на настанот извршила екипа од Регионален центар за гранични работи „Југ“. Лицата мигранти се сместени во Прифатно-транзитен центар Винојуг – Гевгелија за понатамошна постапка, соопшти МВР.
За настанот е известен Јавен обвинител, а по целосно документирање на случајот ќе биде поднесен соодветен поднесок.
