Денеска, околу 2 часот, на патот од село Бигор Доленци, Кичевско, кон населбата Бичинци во Кичево, полициски службеници од Мобилната единица за компензаторни мерки при Одделот за гранични работи и миграции во Бирото за јавна безбедност го лишиле од слобода 25-годишниот С. А. од Кичево, извести МВР.
„При преглед во возилото ‘опел астра’, со охридски регистарски ознаки, кое го управувал, биле пронајдени огревни дрва за кои не поседувал документација“, соопшти МВР.
Возилото било одземено за понатамошна постапка, а лицето било задржано во полициска станица и по целосно документирање на случајот, против него ќе биде поднесена соодветна пријава.
