Утрински Весник
Македонија

Поведена постапка за сообраќајната несреќа во Козле во која загина малолетник со мотор

Со мотор загина 14-годишно момче од прилепско

Основното јавно обвинителство Скопје поведе постапка против едно лице за кривично дело тешки дела против безбедноста на луѓето и имотот во сообраќајот од член 300 од Кривичниот законик.

dobivaj vesti na viber

„Осомничениот 53-годишник, на 5 декември, со возило ‘мини купер’, навлегол на крстосницата меѓу улиците Пијанец и Козле, без да го пропушти возилото кое веќе се движело по улицата Козле и кое имало првенство на минување. На тој начин тој го попречил движењето на мотоцикл ‘хонда’, управуван од дете на возраст од 14 години.

Мотоциклот удрил во страничниот дел од автомобилот, оштетениот се превртел и паднал на коловозот, па се излизгал на лентата наменета за сообраќај на возила во спротивна насока, каде удрил во автомобил ‘цитроен Ц3’. Во несреќата, оштетениот возач на мотоциклот се здобил со тешки телесни повреди и веднаш починал“, се наведува во соопштението.

По предлог на јавен обвинител, Основниот кривичен суд Скопје определи мерки на претпазливост за осомниченото лице – забрана за напуштање на живеалиште/престојувалиште, обврска да се јавува повремено на определено службено лице, привремено одземање на патна или друга исправа за преминување на државната граница, како и привремено одземање на возачката дозвола односно забрана за нејзино издавање.​

Можете да прочитате

Приведен арамија од Кочани кој признал седум кривични дела и вратил дел од украдените предмети

Приведен крадец во Кавадарци

34 санкции за прекршоци на возила кои вршат јавен превоз на патници