Веќе со месеци во Русија пристигнуваат вести за бројни убиства и силувања од поранешни затвореници кои се бореле на страната на Вагнер во Украина, пишуваат регионалните медиуми.
Последниот случај, според извештаите, доаѓа од градот Новосибирск. Педофилот кој во руските медиуми бил именуван само како Сергеј, директно од бојното поле отишол во училиште каде силувал две девојчиња. Едното имало десет години, а другото 12 години. Пред нападот тој извикувал.
„Послушајте ме, или ќе фрлам граната“.
Тој според написите ги киднапирал девојчињата, ги однел во блиската гаража и таму сексуално ги нападнал. Девојките веднаш им кажале на родителите што се случило, а тие случајот го пријавиле во полиција.
Сергеј веднаш бил уапсен и го признал делото. Судот, како што пренесуваат медиумите во регионот, му одредил двомесечен притвор, а доколку биде осуден му се заканува затворска казна од 15 до 20 години.
