Утрински Весник
Свет

Полицијата во германскиот град Нинбург застрела маж со нож

Capture 9.jpg

Германската полиција во саботата застрела маж вооружен со нож во градот Нинбург, во покраината Долна Саксонија, јавува АПА.

Мажот наводно и се заканувал на својата девојка, а потоа продолжил со напад врз полицијата.

Според властите во Нинбург, за време на инцидентот се тешко повредени полицајка и службено куче.

Полицијата соопшти дека 46-годишниот маж и се заканувал на својата девојка со нож околу 9:55 часот.

Таа успеала да побегне и ја известила полицијата која потоа реагирала.

Полицијата соопшти дека мажот не ги почитувал наредбите и ги нападнал со нож по што бил застрелан неколку пати и бил убиен.

„За време на подолгата полициска акција, човекот не ги исполнил барањата на полицајците и ги нападнал со нож. Беа испукани повеќе истрели од огнено оружје, што резултираше со смртоносна повреда на 46-годишниот“, соопшти полицијата во Нинбург на Фејсбук.

Повредената полицајка била пренесена во болница со хеликоптер, а полицијата соопштила дека „повеќе не е во животна опасност“.

Можете да прочитате

Њујорк тајмс: Нетанјаху го откажа одмаздничкиот напад врз Иран по телефонскиот разговор со Бајден

Околу 20.000 свињи загинаа во пожар на фарма во Германија

Вонреден состанок на министрите за надворешни работи на ЕУ во вторник поради нападот на Иран врз Израел