Утрински Весник
Свет

Почнува попис на населението во Србија

Почнува попис на населението во Србија

Во Србија денеска почнува пописот на населението, а околу 15.000 избрани попишувачи ќе одат од врата до врата, со методот на интервју, за да собираат податоци од граѓаните.

dobivaj vesti na viber

Директорот на Републичкиот институт за статистика Миладин Ковачевиќ рече дека пописот ќе трае следниот месец и им порача на попишувачите кои беа на петдневна обука да имаат позитивен однос кон граѓаните, пренесе „Б92“.

Граѓаните ќе одговорат на 69 прашања, а пописот трае околу 30 минути. Попишувачите ќе носат лична карта со фотографија, име и презиме и се должни да им ја покажат на граѓаните доколку бидат побарани. Ковачевиќ на прес-конференцијата рече дека во нивните центри ќе бидат ангажирани најдобрите попишувачи, како и дека следната година ќе имаат можност да учествуваат во втората по големина анкета, пописот во земјоделството.

„Пописот се спроведува со цел да се добијат прецизни податоци за етничките, економските, образовните, миграциските и други карактеристики на населението, кои се неопходни за да се добие веродостојна слика за моменталната состојба, за проекции на идните движења, а особено за реална проценка на последиците од иселувањето во странство во последните 11 години“, рече Ковачевиќ. Тој истакна дека е исклучително важно сите да учествуваат во пописот и заедно да придонесат за негова успешна реализација.

Шефот за операции на Делегацијата на ЕУ во Србија, Мартин Клауке, рече дека ЕУ ја поддржува акцијата за спроведување на пописот на населението и додаде дека податоците се важни и од аспект на социјалната политика и од економскиот аспект. Клаук изјави дека српскиот институт извршил опсежна подготовка за пописот на населението, кој, како што вели, ќе се спроведе според највисоките меѓународни стандарди.

Можете да прочитате

Ќе расте цената на лукот

Киев ги зајакна безбедносните мерки по нападите со руски балистички проектили

Во Јапонија минатата година регистрирани рекордни 122.806 случаи на злоставување деца