Утрински Весник
Спорт

По скандалот со капитенските ленти: Данска нема да гласа за Инфантино и размислува да ја напушти ФИФА

По скандалот со капитенските ленти: Данска нема да гласа за Инфантино и размислува да ја напушти ФИФА

Данска нема да гласа за реизбор на Џани Инфантино за претсадетел на ФИФА следниот март, по одлуката да се забрани употребата на капитенските ленти „One Love“ на Светското првенство во Катар, кои ја критикуваат дискриминацијата во земјата домаќин.

dobivaj vesti na viber

Претседателот на Фудбалската федерација на Данска, Јеспер Мeлер, за данските медиуми во Катар изјави дека постои можност земјата да го напушти членството на ФИФА.

„Повторно размислував за тоа. Претпоставувам дека ќе има потешкотии, ако Данска сама се повлече (од ФИФА). Но, ќе видиме, ако нема дијалог“, рече тој.

Мелер, кој е член на Извршниот комитет на ФИФА, изјави дека проблемите меѓу Данска и ФИФА постоеле и пред самото Светско првенство, но дека „последниве неколку дена се засилиле тензиите со Европа“.

ФИФА во понеделникот издаде предупредување и најави дека играчите кои носат ленти „One Love“ веднаш ќе добијат жолт картон.

На првиот натпревар на Данска на шампионатот, кој заврши 0-0 против Тунис, данската премиерка Хеле Торнинг-Шмит носеше лента со виножито во знак на протест против односот на Катар кон правата на ЛГБТ заедницата.

Можете да прочитате

Нејмар нема да игра за Бразил и во осмина-финалето на СП

Заврши мундијалот за Нуно Мендеш

Ќерката на Пеле смирува: Здравјето на „кралот на фудбалот“ не е сериозно загрозено