Во рамките на манифестацијата „Културно лето на Чаир 2026″, вечерва плоштадот „Скендербег” се претвори во спортска арена, каде младите спортисти од Боречкиот клуб Шкупи и гостинскиот клуб Балканец од Штип одржаа пријателски натпревари пред бројна публика и љубители на спортот.
Во текот на вечерта се одржаа вкупно шест интересни дуели, на кои младите борачи покажаа талент, физичка подготвеност, дисциплина и натпреварувачки дух, создавајќи посебна спортска атмосфера во срцето на Чаир.
На крајот од настанот беа доделени признанија за спортистите, тренерите и претставниците на двата клуба, како знак на благодарност за нивниот ангажман во развојот на спортот и промоцијата на спортските вредности кај младите генерации.
„Културно лето на Чаир 2026″ продолжува да нуди разновидни спортски, културни и уметнички содржини, претворајќи го Чаир во место на средба на граѓаните, младите и талентите од различни области.
