Во Културно-информативниот центар – Скопје, салон „Империјал 1“, на 9 јуни 2023, во 20.30 часот, ќе се одржи изложба на фотографии од Катја Штркова-Кочовска со наслов „Плажарење“.
Катја Штркова-Кочовска е родена 1989 година во Скопје и веќе 10-ина години работи како графички дизајнер. Досега се има претставено со две самостојни изложби на фотографии, Tributes (2012 година) и „Во текстури“ (2016 година). „Плажарење“ е нејзина трета самостојна изложба на фотографии, со мотиви од леснотијата на секојдневието и спокојот на летните денови поминати на плажа во последните неколку години.
Мирот на човекот покрај вода, во природно опкружување. Слободата да се биде гол. Без оптоварување од погледите на другите. Светот е таму некаде далеку… Плажарење засекогаш!
Изложбата ќе биде отворена до 19.6.2023 година.
