Пит Дејвидсон ја потврди најновата романса со супермоделот Емили Ратајковски, и тоа го направи на својот роденден, со прегратка полна љубов.
Комичарот и манекенката синоќа заедно го прославија неговиот 29. роденден.
Поранешната ѕвезда на Saturday Night Live и 31-годишната манекенка, а во поново време и актерка, беа забележани пред станот на Емили во Вест Вилиџ, Њујорк.
Ова се случува неколку месеци откако Пит ја прекина деветмесечната романса со Ким Кардашијан, а Емили се раздели од својот сопруг.
Всушност, младиот комичар има долга историја со некои од најатрактивните жени во светот на шоу-бизнисот – Аријана Гранде, Кејт Бекинсејл, Каја Гербер, Маргарет Квали и Фиби Диневор.
За Пит велат дека не изгледа воопшто привлечно и не може да се спореди со најголемите холивудски заводници, но се чини дека некои од најубавите жени не можат да одолеат на неговиот шарм.
Повеќето ја нагласуваат неговата искреност и добрина, но и одличната смисла за хумор – одлики кои неретко можат да бидат поважни од физичкиот изглед.
