Синоќа во Нов Белград, пијан возач кој возел со голема брзина и поминал на црвено светло, усмрти тројчлено семејство – татко, мајка и деветгодишно дете.
Несреќата се случила околу 01:00 часот наутро, на крстосницата на Булеварот Херои од Кошара и Улицата на младинските бригади, во близина на Кула West 65.
Според првичните информации, возачот бил под дејство на алкохол и изгубил контрола над возилото, при што со голема сила удрил во автомобилот на семејството. Од ударот е срушен столб на јавната расвета, а автомобилот е целосно уништен.
На местото на несреќата, екипите на пожарната и Итната помош нашле три тела покриени со бели чаршафи, додека две лица преживеале со тешки повреди и се пренесени во болница.
Возачот веднаш е уапсен и му е определено задржување до 48 часа. Против него ќе биде поднесена кривична пријава за тешко дело против безбедноста во сообраќајот со смртен исход.
