Утрински Весник
Македонија

Петровска потврди за Телма: Официјално е кандидат за претседател на СДСМ

Img 8560 1.jpeg

Досегашната министерка за одбрана Славјанка Петровска потврди и официјално дека ќе биде кандидат за нов претседател на СДСМ. Таа во писмен одговор до Телма телевизија соопштува дека ја официјализирала кандидатурата пред сопартијците во Тетово, во 6-тата изборна единица, каде што таа беше кандидат и стана пратеник.

-Се уште не е почната постапката за кандидирање, но денес имав средба со кандидатите за пратеници на СДСМ за ИЕ 6 и општинските штабови и им потврдив дека ќе се кандидирам за Претседател на СДСМ, затоа што во сериозни и предизвикувачки времиња како сега потребна е решителност и носење одлуки. Изминатите години сите одговорни задачи кои ми беа доверувани ги извршував одговорно и посветено и сум подготвена да го превземам товарот кој го носи потребата од реформа на СДСМ, единство и фокус на идеологијата. На СДСМ му треба силно, мотивирано и обединето членство, а на Македонија и треба силен СДСМ, ни одговори Петровска во пишана изјава.

Петровска од вчера е пратеник и потврди дека веќе не е во министерството за одбрана. Службениот автомобил е вратен, а по полициско-безбедносна проценка, таа и понатаму ќе има обезбедување.

По поразот на изборите (СДСМ со коалицијата освои само 18 мандати), Ковачевски поднесе оставка, а партиските органи го закажаа конгресот за избор на нов претседател за крајот на јуни.

Освен Петровска, аспирации за партиско лидератво искажаа и Јован Деспотовски, Стефан Богоев, а се спомнува и името на поранешниот министер за здравство Венко Филипче како можен кандидат за нов претседател на СДСМ.

Можете да прочитате

Николоски: Автопатот Охрид-Кичево, експресниот пат Градско-Прилеп и браната Отиња се трите проекти со кои ќе се занимавам oд следната недела

ЕКСТРЕМНО ТОПОЛ БРАН ВО МАКЕДОНИЈА: Температурите од денес па се до недела ќе надминуваат 40 степени, меѓутоа во недела ни се заканува Суперќелијско невреме

Продолжен е рокот за регистрација за изборите за претседател на СДСМ