Утрински Весник
Македонија

Пендаровски: Да заокружиме број 1 и заеднички да продолжиме да работиме на напредок на нашата држава во евроинтеграциите 

Studenichani 2 Scaled.jpg

Кандидатот за претседател Стево Пендаровски денеска во рамки на кампањата беше во посета на општина Студеничани. 

Пендаровски на граѓаните им го честита 1 мај – Меѓународниот ден на трудот и повика на силна мобилизација на осми мај. 

„Потребна е мобилизација на сите за вториот круг и знам дека имаше голем број граѓани кои одлучија да не излезат и да не гласаат во првиот круг очекувајќи дека се ќе се решава во вториот круг. Но на осми мај почнуваме од нула и затоа секој глас е важен. Знам дека има притисоци од различни партии и агитации граѓаните да се определат предвреме, да се гласа блоковски, но јас сметам дека секој треба да одлучи за себе, треба да се гласа за човек, а не за партија, бидејќи ова се избори за претседател на државата“ рече Пендаровски, 

Пендаровски посочи дека тој во изминатите пет години покажал дека е претседател на сите, дека по ниту една основа ги нема делено граѓаните и дека така и ќе продолжи, додавајќи дека во последните неколку години меѓуетничките односи се на високо ниво и дека тоа е рецептот за натамошен напредок на државата. 

„Сите ние живемее и работиме заедно во ова наше заедничко општество, сме живееле едни со други и треба да продолжиме да живееме така и заеднички да работиме за напредок во евроинтеграциите, а на овие избори бројот еден е гаранција, дека државата ќе продолжи по патот на евроинтеграциите“ порача Пендаровски во Студеничани.

Можете да прочитате

Цело Скопје блокирано: Почна Процесот за соработка во Југоисточна Европа

Почна Министерскиот состанок на ПСЈИЕ

Филипче: Во обидите да одржиме стабилна влада и ги решиме стратешките проблеми, отстапивме премногу моќ на ДУИ