Во железничката несреќа што се случи рано утринава во Романија повредени се 12 лица, од кои четворица се хоспитализирани, соопшти денеска Инспекторатот за вонредни состојби.
Несреќата се случила во близина на патот Арад – Букурешт, кога патнички воз со 280 патници се судрил со товарен воз полн со автомобили.
🇷🇴Teleorman’da korkutan🚃tren kazası: 12 yaralı. Sabah saat 4 civarında ‘Roşiori de Vede’ bölgesinde meydana gelen kazada, bir yolcu treni ile yük treni çarpıştı. Olay sonrasında yük treni raydan çıkarken yaralılar hastaneye kaldırıldı. #Romanya #tren #kaza #demiryolu pic.twitter.com/7xrt7n6Pv5
— Romanya Haber (@romanya_haber) March 13, 2023
Три вагони на товарен воз што превезувал моторни возила излетале од шините, изјави Лаурентин Думитру, директор на Романската агенција за истрага на железницата, која ги истражува причините за инцидентот.
„Патничкиот воз поминал на знакот „стоп“, го престигнал товарниот воз и силно удрил во него“, рекол Думитру, пренесува „Аџерпрес“.
Двајца повредени, 46-годишен маж и 30-годишна жена се пренесени во болницата во Александрија со повреди на главата и екстремитетите, а уште две лица, 59-годишен маж и 61-годишна жена, се пренесени во општинската болница во Рошиора де Веда, со повреди на нивните екстремитети.
Останатите патници со минибуси биле однесени до станицата Рошиори, а оттаму се качиле во друг воз за да ги однесе до нивната дестинација.