Девет лица се повредени денеска при пад на балон во источниот дел на Алпите во Австрија.
Соња Келнер од Црвениот крст на Долна Австрија за новинската агенција АПА изјави дека двајца патници се тешко повредени во несреќата, која се случила во регионот на Буклиге Велт, пренесе АП.
Тие се пронајдени со уште двајца патници, кои се здобиле со полесни повреди во Унтерек, додека другите пет патници, кои исто така биле полесно повредени, биле пронајдени на пет километри, во близина на Станг.
Двајцата тешко повредени патници се пренесени со хеликоптер во локалната болница.
Причината за несреќата засега не е позната.
