Министерот за надворешни работи на Република Северна Македонија, Бујар Османи се сретна со специјалниот пратеник на британскиот Премиер за Западен Балкан, Лорд Стјуарт Пич. Во фокусот на разговорите беа билатералните односи меѓу двете земји и можностите за интензивирање на меѓусебната соработка во сферата на безбедноста со цел справување со актуелните предизвици. “Високо ја цениме долгорочната британска проектна поддршка во реализирањето на реформите во различни области од клучно значење за евроинтеграцискиот процес на земјата, а секако треба да се разгледаат и можностите за унапредување на соработката во областа на безбедноста” истакна Османи. Во врска со четиригодишнината од членството на Северна Македонија во НАТО, беше нагласен видливиот придонес на Северна Македонија во Алијансата преку подигнување на безбедноста на Јужното крило и позитивниот одраз на нашето членство врз стабилноста на регионот и воопшто на европскиот континент.
Османи-Пич: Членството на земјата во НАТО придонесе во зајакнување на безбедноста на Јужното крило на Алијансата
