Утрински Весник
Спорт

Осимен и Наполи се незапирливи, ги прегазија и Торино

Осимен и Наполи се незапирливи, ги прегазија и Торино

На 11 кола пред крајот, само чудо може да го сопре Наполи до третото скудето во историјата, откако „партенопеи“ стигнаа до нова доминантна победа, овојпат со 4:0 на гости кај Торино за да избегаат на 21 поен пред Интер, кои вечерва го играат дербито со Јувентус.

dobivaj vesti na viber

Виктор Осимен ја потврди „жешката“ форма со гол по само девет минути игра, за неговиот партнер во нападот, Квича Кварацхелија во 35. минута од пенал да зголеми на 2:0. Осимен го запиша и својот втор гол во 51. минута за во 68. минута Кварацхелија да му асистира на Танги Ндомбеле за 4:0. Македонскиот репрезентативец Елиф Елмас влезе во игра во 65. минута од мечот.

Во вториот меч од 27. коло, Фиорентина со автоголот на Гало стигна до 1:0 победа над Лече.

СЕРИЈА А, 27.КОЛО
Фиорентина – Лече 1:0
Торино – Наполи 0:4

Можете да прочитате

Франческо Бањаја потпиша нов договор со Дукати

Се отвора позиција за Ферстапен да се пресели во Мерцедес !?

УЕФА потврди: Од следната сезона нов формат на европските купови