Турскиот претседател Реџеп Таип Ердоган и унгарскиот премиер Виктор Орбан денес во Истанбул постигнаа договор дека Турција ќе го гарантира континуираниот транзит на руски гас до Унгарија, објави Ројтерс.
Орбан рече дека оваа година Унгарија добила околу 7,5 милијарди кубни метри гас од Турција, преку гасоводот „Турски тек“.
„Кога го гледам светот околу Унгарија, гледам Турција која навистина се бори, турски свет кој навистина се обидува, чекори напред и се зајакнува“, рече Орбан на заедничката прес-конференција со Ердоган.
Ердоган рече дека тој и Орбан потпишале документи што ќе ги зајакнат темелите на односите меѓу двете земји во областите што се движат „од авијација до безбедност, од технологија до култура и образование“.
Двајцата лидери се согласија да формираат заедничка група за планирање.
„Тоа ќе овозможи билатералните и глобалните прашања да се решаваат на многу поинституционален начин. Со оглед на силниот трговски потенцијал меѓу нас, разговаравме за ажурирање на нашата цел на 10 милијарди долари економска размена“, рече Ердоган.
