Утрински Весник
Магазин

Омиленото дуо на Холивуд Афлек и Дајмон повторно ќе соработуваат, снимаат криминалистички трилер „Животни“

Омиленото холивудско дуо Бен Афлек и Мет Дејмон повторно ќе соработуваат на филм. Овојпат се работи за криминалистичкиот трилер Животни, кој ќе го режира Бен Афлек, а главната улога ќе ја толкува Мет Дејмон.

Заплетот на овој криминален трилер е за кандидатот за градоначалник Мет Дејмон и неговата сопруга, чиј син е киднапиран. Опкружени со мноштво непријатели, политички и други, овие сопружници немаат друг избор освен да ги извалкаат рацете и да направат се што е во нивна моќ за да го спасат својот син.

Сценариото го напиша Конор Мекинтајр со ревизии на Били Реј, а засега се познати само улогите на Афлек и Дејмон во филмот, пишува The Hollywood Reporter. Филмот ќе се прикажува на Нетфликс, а доколку се оди според планот, снимањето би требало да започне веќе во март.

Ова актерско дуо неколкупати работеше заедно на филмови во последните дваесет години, а снимањето на новиот трилер ја одбележува нивната деветта соработка. Последен пат заедно глумеа во филмот „Последниот дуел“ од 2021 година.

Можете да прочитате

Газираните сокови придонесуваат за ќелавост кај мажите

Едноставен тест дома со кој ќе откриете дали ви се затнати крвните садови

Зошто треба да пиете чај од хибискус наместо зелен?