Утрински Весник
Спорт

Ѓоковиќ се врати моќно на Австралија опен и доби овации од публиката

Ѓоковиќ се врати моќно на Австралија опен и доби овации од публиката

Новак Ѓоковиќ се врати на Австралија опен, беше пречекан како голем шампион, со овации и феноменално навивање од полната „Род Лејвер Арена“, која френетично го поздрави деветкратниот шампион.

dobivaj vesti na viber

Во такви околности, шпанскиот тенисер Роберто Карбељас Баена можеше само да даде достоен отпор во триумфалното враќање на Србинот. По два часа и две минути игра Ѓоковиќ победи со 3:0, во сетови 6:3, 6:4, 6:0.

Шпанецот имаше сили за два сета добар отпор, а потоа комплетно се распадна, па Ѓоковиќ го доби третиот сет многу лесно, без загубен гем.

Енди Мареј спаси меч топка, а потоа во тај-брејк во петтиот сет ја доби пресметката против Матео Беретини.

Александар Зверев исто така со 3:2 во сетови, многу потешко од очекувањата славеше против Хуан Пабло Вариљас од Перу.

Кај дамите, Онс Жабер со 2:1 во сетови ја совлада Тамара Жиданшек. Тунижанката го доби првиот сет во тај-брејк, потоа „киксна“ во вториот и загуби со 4:6, но не дозволи изненадување и го комплетираше мечот со 6:1 во третиот сет.

Можете да прочитате

Шефот на Ла лига: Мбапе и Халанд може да дојдат во Реал, но не и во Барса

Ред бул го покажаа новиот „ѕвер“ и потврдија партнерство со Форд од 2026

Клоп за трошењето на Челси: Не кажувам ништо без адвокат!