Утрински Весник
Свет

Огорчените земјоделци го блокираа сообраќајот на белгиско-холандската граница

Белгиски и холандски земјоделци блокираа неколку гранични премини меѓу двете земји во знак на протест против даночните оптоварувања, зголемените трошоци, евтиниот увоз и бирократијата, објавија утринава белгиските и холандските автоклубови.

Граничниот премин во правец на Антверпен, вториот по големина белгиски град, во кој се наоѓа и второто по големина европско пристаниште, е еден од блокираните премини, се наведува на платформата Х.

Локалните медиуми јавија дека повеќето од демонстрантите се дојдени од Белгија, а некои од нив се Холанѓани.

Во западна Белгија, земјоделците веќе неколку дена ги блокираат камионите да влезат или да излезат од пристаништето Зибриж, што е дел од пристаништето Антверпен-Бриж, а фламанската телевизија ВРТ (VRT) известува дека таму се заглавени речиси 2.000 камиони.

Од истите причини незадоволни се и земјоделците од другите делови на Европа, а протести се забележани и во Германија, Полска, Грција, Португалија и Романија.

Протестите ги открија тензиите околу влијанието врз земјоделството од напорите на ЕУ за справување со климатските промени, како и од отворањето на вратата за евтин украински увоз за да им се помогне на воените напори на Киев.

Можете да прочитате

Кличко бара Германија да и испрати на Украина ракети со долг дострел

„Сака да биде холивудски каубој“: Се огласи Кремљ откако Бајден го нарече Путин „луд кучкин син“

Тренер по таеквондо во Австралија уби момче кое го тренирал и неговите родители