Земјотрес со јачина од 6,5 степени според Рихтеровата скала ја погоди островската држава Вануату во Тихиот Океан, а властите издадоа предупредување за цунами.
Епицентарот на земјотресот бил на 69 километри од Луганвил на длабочина од десет километри, јавува Европскиот медитерански сеизмолошки центар (EMSC).
„Оддалечете се од брегот и стигнете до повисоките места. Следете ги директивите на националните власти“, се наведува во предупредувањето.
Засега нема информации за жртви и материјална штета.
