Основното јавно обвинителство Скопје, по спроведена истражна постапка, поднесе Обвинителен акт против едно лице, за кое од доказите произлегува основано сомнение за сторено кривично дело – Убиство од член 123 став 2 точка 2 во врска со член 19, извршено во обид.
Обвинетиот, 37-годишник, при вршење семејно насилство во семејниот дом во Марино, со умисла се обидел да го лиши од живот сопствениот брат, удирајќи го со дрвена ногарка по главата.
Иако братот бил сериозно повреден и изгубил свест, обвинетиот не му пружил помош, туку легнал да спие. Следното утро забележал дека братот лежи во локва крв на истото место, но повторно не презел ништо и го пријавил настанот дури неколку часа подоцна. На оштетениот му биле констатирани повеќе тешки телесни повреди со кои му бил загрозен животот.
Јавниот обвинител до судот достави и посебен предлог за продолжување на претходно определената мерка притвор.
