Утрински Весник
Македонија

ОБСЕ/ОДИХР ќе ги соопшти првичните оценки за претседателските и парламентарните избори

20240425085544 Big 730x400 33.webp.webp

Набљудувачите на ОБСЕ/ОДИХР денеска на прес-конференција во 15 часот ќе ги соопштат првичните согледувања од мониторингот на вчерашниот втор круг од претседателските избори и на парламентарните избори.

Шефицата на мисијата на ОБСЕ/ОДИХР за набљудување на изборите Џилијан Стирк, вчера изјави дека ќе ги разгледаат извештаите за изборниот процес од целата земја, а потоа ќе донесат заклучоци базирани на мониторингот на нивните набљудувачи. 

Мисијата на ОБСЕ/ОДИХР за мониторинг на изборите имаше повеќе од 300 набљудувачи на гласачки места низ државава за следење на процесот на вториот круг од Претседателските избори и на Парламентарните избори.

Стирк со нејзиниот тим е во Скопје од 20 март и, како што рече, имаат и долгорочни набљудувачи распоредени низ целата земја на девет различни локации следејќи ги сите аспекти во подготовките за овие избори.

Можете да прочитате

Најмалку четворица заинтересирани, кој ќе го презеде кормилото во СДСМ?

Костадиновска – Стојчевска: Гаши уште во првите пет минути ги прекрши законите и покажа дека не е подготвен да го води Собранието

Стоилковски: 12 директори и раководители на Хирургија збор немаат за колапсот, одговорност ќе има