Утрински Весник
Магазин

Објавени деталите за крунисувањето на кралот Чарлс

Објавени деталите за крунисувањето на кралот Чарлс

По заклетвата дека ќе биде бранител на верата, Чарлс ќе биде крунисан, со што и официјално ќе стане крал на Обединетото Кралство. Камила ќе ја преземе титулата кралица и ќе ја носи круната на кралицата Елизабета.

dobivaj vesti na viber

Крунисувањето на кралот Чарлс III (74) ќе биде на 8 мај. Тоа ќе биде првпат по 70 години, Велика Британија да има нов монарх. Крунисувањето ќе се одржи во Вестминстерската опатија, а со него ќе претседава надбискупот од Кентербери, соопшти палатата.

Пред главната церемонија ќе има процесија од Бакингемската палата до опатијата, а потоа уште една поворка, во која на Чарлс и Камила ќе им се придружат и другите членови на кралското семејство. Потоа сите заедно ќе излезат на балконот на палатата, каде што ќе бидат крунисани сопружниците.

Принцот Хари (38) и неговата сопруга Меган Маркл (41) наводно нема да бидат на балконот за време на крунисувањето на кралот и кралицата, истакнуваат странските медиуми. Тоа ќе им биде дозволено само на вработените членови на семејството, а Хари и Меган, како и принцот Ендрју, повеќе не вршат службени должности.

Церемонијата треба да биде поскромна отколку во минатото, барем така беше објавено во соопштението на палатата минатата година. Крунисување на кралицата Елизабета Втора траеше три часа, а на Чарлс ќе трае нешто повеќе од еден час. Ќе има околу две илјади гости.

Кралот ќе седне на столчето за крунисување, кое датира од почетокот на 14 век и ќе се заколне дека ќе биде бранител на верата. Тие потоа ќе ја постават круната на свети Едвард на неговата глава, со што и официјално ќе стане крал. Камила ќе ја преземе титулата кралица покрај новиот крал и ќе ѝ биде поставена круната на кралицата Елизабета. Принцот Вилијам на крунисувањето официјално ќе биде именуван за принц од Велс.

Можете да прочитате

Анистон вежба во 3 часот наутро за да ја одржува витата фигура

Шерон Стоун го краси црвениот тепих на годишната гала на Клајв Дејвис

(Видео) Антонио Бандерас открива дека неговиот лик во „Индијана Џонс 5“ е сојузник