Пропагандната песна „Friendly Father“ во која се велича севернокорејскиот лидер Ким Џонг Ун, која беше објавена на севернокорејската национална телевизија пред две недели, брзо стана вирална на Интернет.
Повеќето корисници на генерацијата Z на ТикТок не се свесни за корејските стихови кои го фалат човекот кој вети дека „целосно ќе ги уништи САД“ и лансираше десетици балистички проектили, јавува Би-Би-Си.
„Да го пееме Ким Јонг Ун, големиот водач/ Да го пофалиме Ким Џонг Ун, нашиот пријателски татко“, се вели во песната.
Последната во серијата пропагандни поп-песни произведени од комунистичката држава во изминатите 50 години, е оптимистичка и певлива и не е различна од западните поп хитови.
Севернокорејците секое утро се будат со пропагандни песни, чии звуци одекнуваат низ селските и градските плоштади.
„Пријателски татко“ не е првата песна посветена на Ким, но отстапува во јазикот и вокабуларот што се користи. Севернокорејскиот лидер се нарекува „татко“ и „голем“ – термини претходно резервирани за првиот лидер на Северна Кореја, неговиот дедо Ким Ил Сунг.
За многу американски корисници, иронијата е дека комунистичка песна стана вирална на апликација во кинеска сопственост, додека американските законодавци се обидуваат да ја забранат, пишува Би-Би-Си.
