Јогуртот е една од намирниците што многу луѓе ја имаат дома, па со него лесно е да направите природна маска за лице. Освен што е едноставна, оваа природна маска за лице има и многу предности. Јогуртот е богат со хранливи материи не само кога се консумира, туку и кога се нанесува на лицето, односно на кожата.
Маската за лице од јогурт му дава сјај на лицето и делува против брчки, но и ја хидрира кожата и делува против воспаленија на лицето.
Јогуртот може да се нанесува независно на лицето. Нанесете го и оставете го да се исуши. Можете да го оставите на лицето 15-30 минути.
Исто така, јогуртот може да се меша со други состојки, пренесува Covermagazin.
Јогурт, мед и авокадо
Во јогуртот додадете половина лажица мед и половина лажица изгмечено авокадо. Доколку немате авокадо, можете само да измешате јогурт и мед во сооднос 2:1 и да го нанесете на лицето. Оваа маска е добар избор за оние со сува и дехидрирана кожа на лицето.
Јогурт, мед и сок од лимон
Добра е и комбинација од јогурт, мед и сок од лимон. Измешајте сè во еднакви размери, нанесете на лицето и оставете 15-30 минути.
Доколку имате проблематично лице, склоно кон акни или други промени, препорачливо е да се консултирате со вашиот дерматолог пред да нанесете какви било препарати.
