Рафаел Надал ја загуби титулата на Австралија опен уште во второто коло. Актуелниот бранител на трофејот загуби од Американецот Мекензи Мекдоналд со 3:0 во сетови откако се повреди кон средината на вториот сет.
Тој вели дека размислувал и да го предаде мечот, но не сакал на таков начин да се повлече од Австралија опен.
„Размислував да се откажам, воопшто не можев да погодам бекхенд или да трчам, но сакав да го завршам мечот. Не го прашав мојот тим дали да се повлечам или не. Доволно сум возрасен за да направам свој избор. Не сакав да се повлечам како бранител на титулата. Дадов се од себе до крајот“, изјави Рафаел Надал.
Канадскиот тенисер Феликс Оже-Алијасим се пласираше во третото коло на Австралија Опен, откако по голем пресврт го победи 53. играч на светот Алекс Молкан од Словачка со 3:2 воо сетови (3:6, 3:6, 6:3, 6:2, 6:2). Седмиот тенисер во светот победи по три часа и пет минути игра.
