Најниската измерена температура утрово била на Попова Шапка. Снежната покривка изнесувала 33 сантиметри, информираат од УХМР.
Измерени биле -4 Целзиусови степени на Попова Шапка, -3 – Kрушево, -2 – Маврови Анови, Берово, Тетово, Крива Паланка, -1 – Скопје-Зајчев Рид, Прилеп, Куманово, Битола, Штип, Кавардарци, 0 – Скопје-Петровец, Претор, Струмица, Велес, Охрид, Виница, Гевгелија, Демир Капија.
Снежната покривка до седум часот изутринава изнесувала 33 сантиметри на Попова Шапка, 15 – Маврови Анови, 13 – Битола, 8 – Ѓуриште, 7 – Крушево, 5 – Тетово, Штип, 2 – Берово, Претор, Струмица, 1 – Виница, Крива Паланка.
Најмногу дожд изминатите 24 часа имало во Гевгелија. Според податоците на УХМР, 14 литри на квадратен метар во Гевгелија, 8 – Струмица, Ѓуриште, 7 – Маврови Анови, 6 – Битола, Берово, 4 – Скопје- Петровец, Пожаране, Штип, Претор, Виница, 3 – Тетово, 2 – Крушево, Крива Паланка, 1 – Велес, Охрид, Скопје -Зајчев Рид, Тополчани.
Според синоптичарите, денеска ќе биде малку потопло во споредба со вчера. Претпладне ќе биде претежно облачно, а попладне облачноста ќе се намалува. Претпладне ќе има појава на магла во одредени котлини. Ќе дува слаб до умерен ветер од променлив правец. Максималната температура ќе биде во интервал од 2 до 7 Целзиусови степени.
Во Скопје се очекува променливо облачно време со сончеви периоди. Ќе дува слаб ветер од северен правец. Максималната температура ќе достигне до 4 Целзиусови степени.
