Утрински Весник
Свет

Најмалку 15 мигранти загинаа во Егејското Море во близина на Лезбос

Најмалку 15 мигранти загинаа во Егејското Море во близина на Лезбос

Најмалку 15 лица загинаа кога брод со мигранти потона во близина на брегот на островот Лезбос, соопшти грчката крајбрежна стража.

dobivaj vesti na viber

Според извештаите, петмина ja преживеале несреќата, а спасувачката операција е во тек.

Гумениот чамец во кој се превезувале околу 40 мигранти потонал поради силниот ветер.

Неколку часа претходно властите известија дека едрилица со околу 95 луѓе потонала кај островот Китера, недалеку од Пелопонез.

Некои од преживеаните успеале да допливаат до брегот, а во акцијата на пожарникарите и полициските служби, како и на бродовите во околината, спасени се 80 луѓе.

Надлежните изјавија и дека десетина лица се водат како исчезнати, а не е соопштена националноста на патниците од едрилицата.

Лезбос во Егејското Море, заедно со другите грчки острови во близина на западниот брег на Турција, е една од главните порти за мигрантите кон Европа.

Можете да прочитате

Во Франција за Велигден зголемено присуството на полицијата пред црквите

Палестинската управа формира нова влада

Шпанската крајбрежна стража спаси 124 мигранти во близина на Канарските острови