Утрински Весник
Македонија

Најден е телефонот на исчезнатиот Миле од Неготино, семејството бара помош од институциите

Mile Todorov 1.jpg

Веќе три дена се трага по 28-годишниот Миле Тодоров од Неготино, кој на 30-ти јануари околу осум часот наутро, откако дал оставка на работното место во Кавадарци, заминал во непознат правец.

Од информациите кои ги има неговото семејство, тој најверојатно пеш тргнал од Кавадарци кон Неготино и околу 10.30 часот бил забележан кај селото Марена.


Вчера пак, мобилниот телефон му бил пронајден покрај реката Луда Мара, помеѓу Глишиќ и Марена, односно во близина на локацијата позната како Три багрема.

-За денес потрагата заврши, имаме доброволци од градот кои се мобилизираа, а исто така и полициските службеници трагаат по Миле. Целата река е проверена, посебно во тој дел каде беше пронајден мобилниот телефон на Миле, ништо не најдовме.

Вчера имаше и куче трагач, но исто така имаше и многу луѓе на местото, па најверојатно се помешаа траговите, кучето не успеа да намириса траг. Ние, семејството на Миле, ги замолуваме сите надлежни институции да дојдат со свои екипи и да ни помогнат во потрагата.

Само полиција и доброволци не се доволно, три дена поминаа! Апелираме до Центарот за управување со кризи, до специјалните единици кои имаат обучени нуркачи во своите тимови, да дојдат со термални камери, да се донесат повеќе дронови, бидејќи сме беспомошни, за ,,Фокус” раскажуваат сестрата и таткото на момчето.

Можете да прочитате

Филков: Разрешувањето на Коцевски е неопходен чекор за враќање на довербата во правосудството

Доматите 120 во маркет, а откуп 30 денари – Не сме виновни за високите цени, велат производителите

Сообраќај по влажни коловози, намалена видливост поради магла