Спортските директори на Милан, Паоло Малдини и Рики Масара, работат на засилување на кадарот со кој Стефано Пиоли во моментов неуспешно ја брани титулата на италијанскиот шампион, но голем проблем е што имаат многу малку пари на располагање за тој потфат.
Поточно, имаат само 2,8 милиони евра кои ги ослободија кога го раскинаа договорот со Тиму Бакајоко.
Новите сопственици на Милан, компанијата „RedBird“, јасно ставиле до знаење дека треба да се размислува само за трансфери во форма на позајмици, но тоа не смеат да бидат зделки во кои Милан ќе биде обврзан да ги купува фудбалерите по завршувањето на позајмицата.
