Лидерот на ВМРО ДПМНЕ, Христијан Мицкоски, рече дека мнозинство за уставни измени во Собранието нема ниту по лидерската средба.
„Жалам што на лидерската средба не се зборуваше за енергетската криза, туку за она што ја интересира власта, уствавни измени за дефокус од проблемите. Го поддржав и пратеникот Павле Трајанов да издејствуваме признавање на македонското малцинство, но немаше поддршка од другите. Ние сакаме Бугарија да ги почитува европските вредности. Македонците за ЕУ се откажаа многу во последните 30 години, а фрустрациите се големи. Јас имам два сина и не знам дали некој од нив ќе замине надвор од Македонија. Но, сакам двајцата да останат и од тука да ги победуваат Европа и светот“, истакна Мицкоски по лидерската средба во Собранието.
Тој додаде дека преговарчката рамка ваква каква што е не е вистинскиот пат кон Европа.
