Италијанската премиерка Џорџа Мелони објави дека смета дека сурогат мајчинството е нехумано и дека го поддржува законот со кој оваа практика би станала универзално кривично дело.
„Сè уште верувам дека изнајмувањето утроба е нехумано и ја поддржувам легислативата за ова да стане универзално кривично дело. Се надевам дека таков закон ќе стапи во сила што поскоро“, рече Мелони на средбата „За млада Европа – демографски промени, животна средина и иднина“.
Таа додаде дека јавната потрошувачка за поддршка на раѓањето „е корисна потрошувачка со многу висок мултипликатор и не може да се смета исто како и другите расходи во нашиот буџет“, пренесува Анса.
