На 25 и 26 мај годинава се оддржа второто издание на Фестивалот на прозата во Центар за култура „Трајко Прокопиев“ во Куманово. Фестивалот за прв пат се оддржа минатата година и беше одлично прифатен од посетителите и јавноста. Ова е Фестивал на кој се промовираат домашни и странски писатели автори на прозна литература.
Годинава Фестивалот започна на 25 мај каде што првата вечер со публиката дискутираа нашиот академик и писател Владо Урошевиќ и авторката од Србија Даница Вукичевиќ добитнична на Ниновата награда. Модератот на првата вечер беше Александар Маџовски.
Вториот ден 26 мај започна во 12:00 часот со промоција на книга за деца од Јулијана Величковска, на настанот присуствуваше и министерката за култура Бисера Костадинова – Стојчевска, додека после тоа во 17:00 часот имаше тркалезна маса Дебата за преводот на која зборуваа Петар Андоновски и Катица Гаровска од Македонија, Саша Пуљаревиќ од Словенија и Елена Алексиева од Бугарија, а модератор беше Владимир Јанковски.
Вечерта на 26 мај за своите дела зборуваа Арлинд Фаризи, Живко Гроздановски, Калина Малеска, Стефан Алијевиќ од Македонија и Елена Алексиева од Бугарија, а модератор на втората беше Ана Јовковска. На двата настани присуствуваше националниот координатор за култура Роберт Алаѓозовски.