Милијардерот Eлон Маск ја уверил Европската комисија дека компанијата „Твитер“ ќе продолжи да се придржува до строгите европски правила за контрола на нелегалната онлајн содржина, велат извори од ЕК за светските агенции откако минатата недела тој стана сопственик на социјалната мрежа.
Маск пред еврокомесарот Тиери Бретон, кој е одговорен за внатрешниот пазар, изјавил дека планира да се усогласи со законодавството на блокот во врска со незаконска содржина.
Разговорот се одржа откако Бретон во петокот посочи дека „Твитер“ мора да се усогласи со правото на Унијата.
