Во допис кој првпат беше објавен од веб-страницата за вести Electrek, милијардерот Илон Маск им кажа на вработените дека нема ништо што повеќе мрази, „но тоа мора да се направи“.
„Спроведовме темелна ревизија на организацијата и донесовме тешка одлука да го намалиме бројот на нашите вработени за повеќе од 10 отсто на глобално ниво“, рече Маск во својата е-пошта.
Според последниот годишен извештај, најголемиот светски производител на автомобили по пазарна вредност имал 140.473 вработени ширум светот заклучно со декември.
„Нема ништо што повеќе мразам, но мора да се направи. Ова ќе ни овозможи да бидеме иновативни и гладни за следниот циклус на фаза на раст“, рече Маск.
Вработен во Тесла, кому му било кажано дека добива отказ, за медиумите изјавил дека подоцна му бил забранет пристапот до мејловите, како и дека сите останати вработени биле отпуштени.
Компанијата треба да ја објави својата квартална заработка подоцна овој месец, но веќе објави пад на испораките на возила во првиот квартал, прв во речиси четири години и исто така под очекувањата на пазарот. Некои аналитичари ги опишаа резултатите како „бурни“.
Теслa го намали производството во Гигафактори во Шангај минатиот месец, а минатата недела им кажа на вработените во Сајбертрак дека смените ќе бидат пократки на производната линија во Остин.
Тесла почна да го чувствува влијанието на забавувањето на побарувачката за електрични возила (ЕВ). Компанијата, исто така, се откажа од плановите за производство на автомобил со ниска цена, напуштајќи ја една од долгогодишните цели на Маск за производство на достапни електрични возила за масите.
Акциите на Тесла паднаа за 0,8 отсто во претпазарното тргување во понеделникот. Производителот на електрични возила бавно ги освежува своите постари модели бидејќи високите каматни стапки го намалија апетитот на потрошувачите за скапи артикли.
Исто така, постои постојан притисок од Кина бидејќи порастот на нивните евтини електрични возила почна да го преплавува пазарот со достапни модели.
