Дефанзивецот на Пари Сен Жермен, Бразилецот Маркињос ќе го продолжи договорот. „Лекип“, пренесува дека бразилскиот репрезентативец ќе ја продолжи верноста кон клубот до 2027 година.
Маркињос е во ПСЖ од 2013 година, кога дојде од Рома. Централниот дефанзивец веќе 10 сезони го носи дресот на парижаните и е прв капитен на тимот.
Претседателот на францускиот гигант, Насер Ал-Келаифи се надева дека Маркињос кариерата ќе ја заврши на „Паркот на принцовите“.
Во тековната сезона, Маркињос, одигра 21 натпревар и постигна два гола во Лига 1.
