Малолетна девојка од Шуто Оризари излегла од својот дом и повеќе не се вратила.
Откако родителите добиле порака дека таа нема да се врати дома бидејќи сакала да живее со малолетниот брат на нејзината другарка, веднаш го пријавиле случајот и по кратко време нивната ќерка била најдена.
Според информациите од МВР, вчера во 22.10 часот 37-годишна скопјанка пријавила дека нејзината малолетна ќерка се оддалечила од домот на подрачјето на Шуто Оризари заедно со нејзината другарка.
Според пријавеното, родителите подоцна добиле порака дека ќерка им ќе остане да живее со малолетниот брат на другарката, во нивниот дом.
Откако била пронајдена, малолетничката кажала дека била во љубовна врска со малолетникот и имала сексуален однос со него.
Се преземаат мерки за расчистување на случајот.
