Утрински Весник
Свет

Луѓето масовно го бојкотираат Мекдоналдс поради војната во Газа, приходите нагло му паднаа

Мекдоналдс објави дека во последниот квартал го забележал првиот пад на продажбата во последните четири години. Ова се должи на слабиот промет во деловниот регион кој ги опфаќа Блискиот Исток, Кина и Индија. Синџирот за брза храна е еден од неколкуте западни брендови кои беа погодени од протести и кампањи за бојкот поради нивниот наводен про-израелски став во конфликтот меѓу Израел и Хамас.

Главниот извршен директор Крис Кемпчински минатиот месец изјави дека случувањата на Блискиот Исток имаат „значително деловно влијание“ врз Мекдоналдс во регионот и некои области надвор од неа поради војната и „поврзани дезинформации“ за брендот.

Минатата недела и Старбакс исто така ја намали својата годишна прогноза за продажба, делумно поради падот на продажбата во продавниците на Блискиот Исток. Во меѓувреме, потрошувачката во Кина, вториот по големина пазар на Мекдоналдс, исто така остана слаба и покрај мерките на државна поддршка.

Можете да прочитате

Лула да Силва не го менува ставот дека Израел извршил геноцид во Појасот Газа

Трамп: Поради обвиненијата против мене, имам поголема поддршка од Афроамериканците

(Видео) Бајден ја прекрсти вдовицата на Навални наместо Јулија ја нарече Јоланда !