Општина Гостивар започна со реконструкција и изградба на 6 спортски терени, од кои 4 се спортски терени, еден парк со спортски терен и едно спортско игралиште, на различни населени места во градот, со што спортот станува поблиску до младите и нашата заедница.
Од нив, 3 постоечки терени ќе бидат реновирани и опремени со модерна опрема и тартан подлога, додека 3 нови терени ќе се изградат од почеток, според најсовремените стандарди за безбедност, квалитет и функционалност.
Оваа инвестиција е дел од визијата на Општина Гостивар за изградба на целосна мрежа на спортска инфраструктура, каде секоја населба и секое маало ќе има свој спортски терен.
Работите ги опфаќаат стратешки локации, вклучувајќи: Средното медицинско училиште, Средното техничко училиште, просторот кај Автобуската станица, маалото Малеарди, просторот кај Амфитеатарот и шеталиштето покрај реката Вардар.
Овие проекти не се само изградба на терени, туку изградба на можности: за младите кои сакаат да се натпреваруваат и развиваат, за семејствата кои сакаат повеќе рекреативни простори и за заедница која расте поздраво и пообединето.
„Нашата цел е јасна: да создадеме простори каде што младите ќе поминуваат квалитетно време, ќе се занимаваат со спорт и ќе растат здрави. Овие инвестиции се инвестиции за иднината на нашите генерации,” – истакна градоначалникот на Општина Гостивар, Валбон Лимани.
