НБА легендата Шекил О’Нил, кој настапува под името диџеј Дизел, по минатогодишниот настап во Крк се враќа во Хрватска. Тој ќе настапи на фестивалот „Форстленд“ кој се одржува од 19 до 21 јули во Мали Михаљевац.
Четирикратниот победник на НБА лигата постигна голем успех и на музичкото поле.
Со музика се занимава од својата 14-та година, а неговиот деби албум продаден во милион примероци, што потоа го донесе на 25-то место на листата на Билборд 100.
Интересна е забелешката дека О’Нил е единствениот спортист во историјата со платинест албум.
