Утрински Весник
Свет

Латвија ја затвора границата со Белорусија

Латвија ја затвора границата со Белорусија

Владата на Латвија денеска одлучи да затвори еден од двата гранични премина со Белорусија во обид да спречи илегална имиграција, пренесе агенцијата ЛЕТА.

dobivaj vesti na viber

Шефот на граничната полиција на Латвија изјави дека ситуацијата е најнапната од 2021 година поради големиот прилив на мигранти од Белорусија.

Граничарите во последните шест дена вратиле 894 лица, кои се обиделе да ја преминат границата, а во текот на септември биле вратени 1.773 лица, пренесе агенцијата.

Во 2021 година Летонија, Полска и Литванија се соочија со имиграциска криза кога илјадници луѓе, главно од Блискиот Исток и Африка, почнаа да ја преминуваат границата од Белорусија.

Полска и Литванија подигнаа огради на границите со Белорусија, а новата латвиска влада вети дека ќе го заврши подигнувањето на граничната ограда до крајот на годината.

Можете да прочитате

Макрон: Идеите на екстремната десница се шират во Европа

Песков: НАТО оди предалеку со воената реторика со што го зголемува степенот на ескалација

Украинскиот претседател Зеленски ќе ја посети Португалија