Утрински Весник
Македонија

Кузеска од СДСМ: Имавме фер и демократски избори, граѓаните ќе одлучат по кој пат ќе продолжиме

Kuzeska.jpg

-Денес беше мирен и успешен изборен ден, а изборите беа фер и демократски. Имаше одредени неправилности, но тие се незначителни за овој изборен процес, изјави портпаролката на СДСМ, Богданка Кузеска на првата прес конференција по затворање на гласачките места.

Таа во име на СДСМ изрази благодарност до сите граѓани кои излегоа на изборите и гласаа. Особена благодарност до граѓаните кои го дадоа својот глас за СДСМ и коалицијата „За Европска иднина“ и за претседателскиот кандидат Стево Пендаровски.

-Граѓаните ќе одлучат по кој колосек ќе се движи Македонија понатаму. Во очекување сме на изборните резултати и дополнителмо ќе излеземе со податоци – рече портпаролката.

Во однос на тивкиот бојкот на албанскиот електорат, Кузеска рече дека секоја партија треба да одговори пред себе и пред граѓаните.

– СДСМ повикуваше на масовна излезност, повикуваше граѓаните да го искорисат правото на гласа, СДСМ не бил никогаш кочничар на демократските процеси – додаде Кузеска.

Можете да прочитате

Стоилковски: 12 директори и раководители на Хирургија збор немаат за колапсот, одговорност ќе има

Забрчанец: Регионалната соработка на Западен Балкан е можна само ако опстојат доволен број прогресивни политички претставници и лидери

Двајца крадци украле автомобил во Битола, полицијата ги уапси